Accessibility links

Breaking News

Yon Gason Atake Mari Lidè Lachanm Nancy Pelosi Lakay li nan San Francisco


Lapolis bloke ri devan kay Paul Pelosi, mari Lide Lachanm Nancy Pelosi, nan San Francisco, Kalifoni, Vandredi 28 Oktob, 2022.

Yon nèg atake ak yon mato, mari Lidè la Chanm dè Reprezantan Etazini Nancy Pelosi lakay koup la nan vil San Francisco, eta Kalifoni bonè Vandredi.

Dapre otorite yo misye tap chache lidè Demokrat la e li te pran rele "Kote Nancy? Kote Nancy?"

Foto Achiv: Lide Lachanm Nancy Pelosi (Demokrat Kalifoni) ak mari li, Paul Pelosi nan yon dine d'one Depatman d Eta a, 7 Dec. 2019.
Foto Achiv: Lide Lachanm Nancy Pelosi (Demokrat Kalifoni) ak mari li, Paul Pelosi nan yon dine d'one Depatman d Eta a, 7 Dec. 2019.

Lapolis di yo resevwa yon apèl pou yo vini tou swit lakay Pelosi, kote yo dekouvri David DePape ak Paul Pelosi ap goumen pou pran kontwol yon mato. Apre sa, nèg lan te bay Pelosi plizyè kou anvan yo te resi metrize li.

Nancy Pelosi limenm te Washington. Li retounen Kalifoni vandredi swa.

Atakan an tap rele menm bagay moun ki te atake Capitol la te rele 6 Janvye 2021, lè yo tap chache Pelosi pandan yo te anvayi koulwa syèj palman Etazini.

XS
SM
MD
LG