Lidè Chinwa a, Xi Jinping rankontre wa Arabi Saoudit la ak prens eritye a pandan yon vizit nan wayom nan.
Visit la Jedi gen kòm bi pou kore relasyon ant Lachin ak yon rejyon ki esansyèl pou li pa rapò ak bezwen enèji li genyen nan moman pwovizyon yo diminye akoz lagè Larisi ap mennen nan Ikrèn nan.
Xi rive nan Palè Al Yamama a nan Riyadh kote Prens Mohammed bin Salman te salye li. Bin Salman se pitit gason wa a ki agresif e ki pare pou dirije wayom nan ki chaje ak petwòl pandan plizyè dizèn lane nan lavni.
Xi te bay prens la lanmen nan moman gad donè ki te sou chwal te pote drapo Saoudyen ak Chinwa yo.
