Accessibility links

Breaking News

Wa Felipe VI: "Agresyon LaRisi Kont Ikrèn San Jistifikasyon "


SPAIN-NATO-US-SUMMIT

Lagè LaRisi nan Ikrèn nan te domine yon dine gala ke Wa peyi Espay Felipe VI te òganize pou akeyi yon afè 40 chèf deta ak chef gouvènman lavèy somè l-OTAN an ki pwal dewoule nan kapital la Madrid.

"Lagè tounen ann Ewòp," se sa li di envite yo. Li kontinye pou di, "Agresyon LaRisi san jistifikasyon kont Ikrèn nan se yon vyolasyon flagran kont teritwa yon peyi souvren. Pa gen okenn peyi ke gè sa a pa afekte."

Felipe di palè a pa te janm gen anpil lidè mondyal reyini konsa ladann. An tou, yon afè 60 moun te bò tab la. Felipe ajoute ke palè a te òganize yon dine gala l-OTAN deja an 1997 lè l-OTAN te fè premye pa pou ogmante manm li yo nan espwa pou simonte lagè frèt la.

Nan tèt pwogram somè a pou reyinyon jodi Mèkredi ak demen jedi a, gen kesyon ranfòsman defans kont LaRisi ak sipò pou Ikrèn.

XS
SM
MD
LG