Accessibility links

Breaking News

Vladimir Putin Defann Rezilta Eleksyon Palmantè yo nan Larisi


Premye minis ris la, Vladimir Putin

Premye minis ris la, Vladimir Putin defann rezilta eleksyon palmantè ki sot dewoule nan peyi a e li rejte bri k ap kouri kòmkwa te gen fwòd nan vòt la.

Pandan mesye Putin t ap pale nan yon sesyon Lib tribinn nan televizyon, li deklare vòt 4 desanm nan reflete pwen d vi pèp la malgre apèl opozisyon an lanse pou mande pou yo refè eleksyon an.

Li akize organizatè manifestasyon an mass k ap fèt nan peyi a kòm moun k ap travay pou peyi oksidantal yo. Premye minis ris la di tou manifestasyon ki fèt tankou sa ki te fèt semèn pase a, aprè eleksyon palmantè a akseptab depi yo pa vyole okèn lwa.

Lapolis rapòte 20 mil moun te pran lari nan Moskou samdi pase e plizyè milye lòt te defile nan plizyè lòt vil nan Larisi pou yo pwoteste kont swadizan iregilarite ki te genyen nan eleksyon palmantè yo , eleksyon ke pati mesye Putin nan , an palan de Pati Larisi Ini an ranpòte nan Larisi.

XS
SM
MD
LG