Accessibility links

Breaking News

Tansyon nan Mond lan Apre Xi Jinping Ranpòte yon 3èm Manda Kòm Lidè Lachin


Nouvo manm Komite Politburo Lachin nan: Xi Jinping, Li Qian, Zhao Leji, Wang Huning, Cai Qi, Ding Xuexiang epi Li Xi nan Peken, kapital Lachin Kominis, 23 Oktob, 2022.

Mond lan ap fè fas ak posibilite pou gen plis tansyon ak Lachin sou kestyon tankou komès, sekirite ak dwa moun apre Xi Jinping bay tèt li yon lòt manda 5 an kòm lidè Pati Kominis la.

Misye lanse apèl pou Lachin pa konte sou okenn lòt peyi pou teknoloji, pou'l ranfòse lame li epi pwoteje "enterè de baz" li yo nan peyi etranje.

Pandan kongrè pati a, Xi pa bay oken siy li gen entansyon chanje estrateji "COVID Zewo" a ki fristre pèp Chinwa a epi ralanti komès ak operasyon biznis yo.

Li lanse apèl pou devlopman rapid fòs militè peyi a e li anonse pap gen okenn chanjman nan politik ki lakoz anpil tansyon nan relasyon ak Washington epi vwazen Lachin an Azi yo.

Xi ranfose kontwòl li lakay, e lap eseye sèvi ak pouvwa ekonomik Lachin pou'l ogmante enfliyans li nan peyi etranje.

XS
SM
MD
LG