Accessibility links

Breaking News

Serena Williams Pèdi Match li Devan Tomljanovic nan US Open nan


Serena William, moun peyi Etazini fe yon ke ak men li pou remesye fanatik yo apre defet li devan Ajla Tomljanovic moun peyi Ostrali nan 3e tou US Open nan nan Nouyok, Vandredi 3 Sept. 2022.

Serena Williams pèdi sa anpil moun kwè pral dènye match karyè tenis li.

Chanpyòn nan, ki ranpòte 23 tit Gran Chelèm elimine nan tounwa US Open nan nan 3èm tou a apre li te pèdi match li ak Ajla Tomljanovic 7-5, 6-7, 6-1 devan yon gwo foul nan stad Arthur Ashe la vandredi swa.

Williams pral gen 41 an mwa sa a, e sa pa gen lontan, li te di mond lan li pare pou pran retrèt li.

Li rete vag ekspre pa rapo ak kilè egzakteman li pral pran retrèt li ak si parèt sa a nan tounwa Flushing Meadows la se va dènye tounwa tenis li va jwe.

Men tout moun atann yo aske se pral fen karyè li.

Williams te kite advèsè li pran devan nan tout sèt yo. Tomljanovic klase 46èm mondyal. Williams echwe nan konpetisyon match senp yo 24 hè apre li te echwe nan konpetisyon doub yo, kote li tap jwe ak sè li, Venus. Yo te pèdi nan premye tou a.

XS
SM
MD
LG