Pou premye fwa depi 2 zan, Pri Akademi yo ap woule tapi wouj la nan Teyat Dolby vil Los Angeles la pou sa òganizatè yo espere ap siyale yon retou nan eta nòmal Oscar yo.
Sepandan gen yon pakèt bagay ki chanje.
Emisyon televizyon pou 94èm seremoni remiz Pri Akademi yo pral tanmen a 8hè EDT (Lè Washington ak Potoprens) sou chèn televizyon ABC. Men pa gen anpil lòt bagay kap swiv tradisyon Oscar yo.
Yon hèd tan anvan emisyon televize a kòmanse, envite yo pral rasanble nan teyat Dolby a pou prezantasyon 8 pri.
Ki film ki pral ranpòte Oscar pou Meyè Film Ane a? Anpil moun kwè se pral "CODA" yon film Apple TV, oubyen "The Power of the Dog" ki se yon film Netflix.
Si youn nan 2 film sa yo genyen se ta premye fwa yon sèvis streaming (difizyon an liy) ta ranpòte pri Oscar la.
