Accessibility links

Breaking News

Tiki Mete Samir Handal Nan Prizon Tanporè Pou 40 Jou


Turkey Haiti President Killing

Nan yon òdonans otorite Tik yo bay Samir Handal prizon tanporè pou 40 jou. Misye se yon sispèk kle nan asasina prezidan ayisyen an, Jovenel Moïse, ke yo te touye 7 jiyè lakay li. Pou kounya sispèk la nan yon prizon nan Istanboul.

Otorite Tik yo te arete Samir Handal, nan Ayewopò Istanbul byen bonè nan Lendi maten pandan li te t ap fè eskal ant Etazini ak Lajòdani. Otorite Ayisyen yo te anonse arestasyon sispèk la Madi 16 Novanm.

Minis Zafè Etranje ayisyen an Claude Joseph te di sou Twitter ke li te pale ak kòlèg travay li, Minis Zafè Etranje Tik la sou kestyon arestasyon Handal la. Claude Joseph pa bay plis enfòmasyon. Li pa presize si Ayiti mande ekstradisyon Handal.

Ajans Anadolu di sou demand minis Jistis Latiki, tribinal yo te bay lòd pou mete sispèk la nan prizon tanporè pou 40 jou.

Yo mete Handal kounye a nan prizon Maltepe nan Istanbul.

Otorite yo ann Ayiti arete plis pase 40 sispèk an koneksyon ak asasina prezidan Moise la. Pami yo gen 18 ansyen sòlda Kolonbyen ak plizyè ofisye polis ayisyen. Otorite Kolonbyen yo di majorite ansyen sòlda li yo pa t konnen vrè bi operasyon an.

XS
SM
MD
LG