Accessibility links

Breaking News

Restriksyon COVID-19 nan vil Shanghai Soulve Anpil Pale Anpil


Moun ki gen kach nen nan figi yo pou pwoteje tet yo kont kowonaviris la fe la ke pou pran tes COVID-19 Dimanch 3 Avril nan vil Peken, kapital La Chin.

Kantite ka COVID-19 yo anrejsitre nan Shanghai, pi gran vil nan La Chin kontinye ogmante. Gen dè milyon moun ki bloke lakay yo anba mezi sere-boulon "zewo tolerans" gouvènman an mete an plas pou ralanti pandemi a. Sitwayen yo plenyen anpil paske yo di yo bouke ak restriksyon sa yo.

Otorite la sante yo Dimanch rapòte 438 nouvo ka kowonaviris, ansanm ak 7,788 ka moun ki pa gen okenn sentom.

Pwovens Jilin ki nan nòdès peyi a anrejistre 4,455 ka COVID-19.

Shanghai gen 26 milyon abitan e semèn pase a vil la tanmen restriksyon ak 2 etap men moun ki nan rejyon ès vil la te resevwa pwomès yo tap kapab kite kay yo. Sepandan yo rete bloke.

Moun sa yo plenyen pou livrezon manje, medikaman ak swen medikal. Videyo ak anrejistreman son sitwayen sa yo pibliye di otorite yo pa okipe konsèy medikal yo pou rezon politik.

XS
SM
MD
LG