Accessibility links

Breaking News

Direktè CIA a Teste Pozitif Pou COVID-19


CIA Director William Burns

Direktè CIA a, William Burns, teste pozitif pou COVID-19 Jedi, yon jou apre li te rankontre ak Prezidan Biden .

Misye Burns te nan prezans Prezidan Joe Biden Mèkredi maten pandan yon reyinyon kote yo te respekte distans sosyal yo, ak kote li te mete yon mask FFP2, dapre sa yon nòt CIA te pibliye pou laprès te di.

Chèf CIA ki gen 65 an. Li "konplètman pran tout vaksen an, li te resevwa vaksen Booster a tou, pou kounya sentòm yo modere", CIA deklare.

Joe Biden, 79 an, te resevwa dezyèm dòz Booster vaksen Pfizer a Mèkredi apremidi.

Mesye Burns pral kontinye fè devwa li kòm direktè CIA kote li pral travay lakay li, epi li pral retounen nan espas travay li apre yon peryòd izolasyon senk jou ak yon tès negatif. Mezi sa yo suiv direktiv Sant pou Prevansyon ak Kontwòl Maladi (CDC) Bay.

XS
SM
MD
LG