Accessibility links

Breaking News

Rapè Fetty Wap Ap Fè Fas ak Omwens 5 an Prizon pou Dwòg


Foto Achiv: Fetty Wap nan seremoni remiz pri Mizik Videyo MTV yo nan Newark, New Jerze, 26 Out, 2019.

Rapè Fetty Wap plede koupab a akizasyon konplo pou vann dwòg ki gen yon pinisyon mandatwa 5 an prizon.

Misye plede koupab nan tribinal federal Central Islip la Lendi. Li te konparèt devan Jij Steven Locke, ki te revoke libète sou kosyon li epi pase lòd pou rapè a rete fèmen nan prizon, sa gen 2 semèn desa.

Locke pran mezi sa a apre avoka akizasyon yo te di Wap te menase pou'l touye yon nèg pandan yon apèl FaceTime an 2021, ki se yon vyolasyon libète sou kosyon li nan pwosè dwòg la.

Rapè a ki gen renome pou chante "Trap Queen" nan te jwenn arestasyon li nan mwad Oktòb pase a, anba akizasyon dèske li te patisipe nan yon konplo pou fè yon pakèt eroyin ak lòt dwòg antre nan zòn Nouyòk la anbachal.

XS
SM
MD
LG