Se Polisyon ki touye plis moun nan mond-la, dapre yon nouvo etid ki fè konnen li touye plis moun anvan lè-yo pase lagè, aktivite teworis, dezas natirèl, sigarèt ak maladi.
Yon nouvo etid ki parèt sou jounal medikal Lancet fè konnen polisyon – kit se andan kay kit se deyò te touye anviwon 9 milyon moun an 2015, ki vle di youn sou chak 6 moun ki mouri.
Etid-la fè konnen Bangladesh, Chin, Ayiti, End, Pakistan, Kore di Nò ak Kore di Sid se kèk nan peyi ki sibi plis anba polisyon.