Accessibility links

Breaking News

Prezidan Ikrèn Volodymyr Zelenskiy resevwa Chanselye Alman Olaf Scholz


Germany's Scholz travels to Kyiv

Prezidan peyi Ikrèn Volodymyr Zelenskiy resevwa Chanselye alman Olaf Scholz pou yo fè chita-koze jodi lendi a nan Kyèv nan moman lidè yo nan loksidan ki krenn yon envazyon LaRusi eksprime solidarite yo ak Ikrèn.

Scholz, ki pwal vwayaje Moskou pou yon reyinyon madi ak Prezidan Ris Vladimir Putin, te mande LaRisi kèk siy ki ka kalme tansyon an, e li te di nan yon tweet ke "plis agresyon militè" ap gen konsekans grav. Li fè konnen nan tweet la ke aksyon LaRisi yo reprezante yon menas pou lapè ann Ewòp.

Pandan li pa angaje l an piblik pou di ki sa l ap fè ankake LaRisi anvayi Ikrèn, yon repons gouvènman yo nan loksidan fè konnen kòm reyaksyon yo ap enpoze plis sanksyon ekonomik kont LaRusi.

"Priyorite nou touswit se sipòte efò pou kalme sityasyon an," se pawòl minis finans G-7 yo nan yon kominike jodia.

Dimanch, Ikrèn te mande pou LaRusi ak lòt manm Òganizasyon pou Sekirite ak Koperasyon ann Ewòp patisipe nan yon reyinyon 2 jou pou pale sou mouvman twoup ris yo.

LaRisi demanti ke li gen plan anvayi Ikrèn

XS
SM
MD
LG