Accessibility links

Breaking News

Prezidan Jovenel Moise Di Tout Moun Ki Vle Ranplase l Kòmanse Prepare yo pou Al nan Eleksyon


Prezidan ayisyen an Jovenel Moise

Prezidan ayisyen an Jovenel Moise ki t ap patisipe nan 28èm edisyon kanaval Jakmèl la deklare nan laprès l ap remèt pouvwa a 7 fevriye 2022 e ke tout moun ki vle ranplase l sou pouvwa a dwe kòmanse prepare pou patisipe nan pwochen eleksyon yo.

Chèf leta a eksprime regrè l le fè ke opozisyon an pa rive jwenn antant ak pouvwa a pou mete sou plas yon gouvènman koalisyon. Lidè yo nan opozisyon an di manda chèf leta a ap fini 7 fevriye 2021 epi pou yo deziye pwochen chèf gouvènman an. Jiska prezan akò ki te kòmanse nan Nonsyati a pran fen ofisyèlman vandredi 14 fevriye a san oken rezilta dapre deklarasyon yon patisipan fè nan medya yo.

Ayiti Kilti:

Yo te plizyè dizèn milye sitwayen ki patisipe nan 28èm edisyon kanaval nasyonal vil Jakmèl la dimanch 16 fevriye 2020 an ak animasyon plizyè gwoup lokal. Yon delegasyon pouvwa a te prezan, pami yo Prezidan Jovenel Moise. Nan Pòtoprens yo te gen menm anbyans la malgre moun ap plenyen kont fenomèn ensekirite a. Popilasyon an ap pare pou l patisipe nan 3 jou kanaval soti 23 pou rive 25 fevriye 2020.

XS
SM
MD
LG