Plis pase 100 peyi etranje pran angajman pou yo mete fen nan debwazman anvan fen deseni an.
Se yon pwomès ekspè yo di ap esansyèl pou limite chanjman klimatik - men yo konn fè pwomès sa yo deja san yo pa janm respekte'l. Angletè bat bravo Madi pou angajman an kom premye gwo bagay yo akonpli pandan rankont o somè Nasyonzuni sou chanjman klimatik la ke moun konnen sou non COP26.
Sepandan militan kap defann anviwonman an di fok yo wè detay ako a pou yo ka byen konprann enpak li ka genyen.
Gouvènman Britanik la di li resevwa angajman lidè ki reprezante 85% forè mondyal yo pou yo sispann epi ranvèse debwazman anvan ane 2030.
Yo resevwa pwomès pou plis pase $19 milya lajan leta ak lajan prive depanse nan objektif sa a. Peyi tankou Brezil, Chinn, Kolonbi, Kongo, Endonezi, Risi ak Etazini apiye plan sa a.
Enfomasyon pou repotaj sa a soti nan Associated Press
