Accessibility links

Breaking News

Pap Francois Rankontre Timoun ki Kouri Kite Ikrèn


Pap Francois salye timoun ki se refije Ikrenyen pandan odyans jeneral li fe chak semen nan Vatikan an, Mekredi 6 Avril 2022.

Pap Francois bo yon drapo Ikrenyen ke yo pote ba li soti nan vil Bucha, e li lanse yon lot apèl pou mete fen nan lage a.

Pap la te akeyi yon demi douzèn timoun Ikrenyen nan Vatikan an Mekredi pandan odyans jeneral li a e li ba yo chak yo gwo ze pak an chokola.

Souvren Pontif la mande fidèl Katolik yo lapriyè pou yo ansanm ak tout Ikrenyen.

"Nouvèl sou lagè nan Ikrèn olye li pote espwa ak soulajman pote pito temwayaj nouvo atwosite tankou masak Bucha a ak lot zak mechan ki komèt kont sivil yo, fanm ak timoun. San viktim inosan sa yo kap koule egzije pou nou kontinye mande pou sispann lagè sa a epi sispann kout zam yo. Sispann simen lagè ak destriksyon," Pap la deklare.

Pap la te kenbe yon drapo Ikrenyen sal ke li di rive nan Vatikan an Madi soti Bucha kote prèv paret sou sak sanble asasina sivil anba men twoup Ris yo anvan yo te kite vil la.

" Timoun sa yo oblije kouri kite kay yo. Sa se fwi lagè a donnen," Pap Francois deklare.

XS
SM
MD
LG