Accessibility links

Breaking News

OEA Aksepte Gustavo Tarre Kòm Reprezantan Prezidan Pwovizwa Venezuela a Juan Guaido


Gustavo Tarre, reprezantan gouvènman pwovizwa Venezuela Juna Guaido nan OEA (Foto: AP/Jose Luis Magana)

Oganizasyon Eta Ameriken yo (l'OEA) bay prezidan venezuelyen an, Nicolas Maduro, yon lòt kou nan jounen madi 9 avril 2019 la lè li vote pou l rekonèt, Gustavo Tarre, yon diplomat opozisyon an kòm anbasadè peyi a nan òganizasyon rejyonal la.

Peyi manm yo vote 18 pou pami yo Ayiti, 9 kont, ak 6 abstansyon, pou yo aksepte Misye Tarre kom: "Reprezantan pèmanan Asanble Nasyonal Venezuela a, ann atandan nouvo eleksyon ak enstalasyon yon gouvènman demokratikman eli nan peyi a.

Vòt madi 9 avril la pwovoke gwo kolè nan sen gouvènman Maduro a ki di li konsidere aksyon l'OEA a kòm: "Yon vyolasyon kriminèl e flagran dwa entènasyonal ak Chat l'OEA a." Gouvènman Maduro a fini pa di, pou li menm tout aksyon Gustavo Tarre ta pran nan l'OEA se aksyon ki nil e san valè.

XS
SM
MD
LG