Accessibility links

Breaking News

Ankèt Depatman Seririte Enteryè Ameriken sou Rasism nan Sèvis Patwouy Fwontyè a


Katye Jeneral Depatmant Sekirite Enteryè Lèzetazini nan pati nòtdwès Washington.

Depatman Sekirite Enteryè ameriken an ap mennen ankèt sou nouvèl ki di kèk ajan Sèvis Patwouy Fwontyè peyi a (ajan ansyen e prezan) fè pati yon gwoup rasis, seksis e vyolan ki poste sou Facebook yon video kote yo pale de imigran ak manm Kongrè ameriken an ki gen orijin latino-amerikèn.

Sit entènèt la, ki rele Pro-Publica, fè konnen video a gen ladan n imaj seksyèk vrèman kri, ak deklarasyon kote y ap pase imigran ki mouri yo nan betiz; pami imigran sa yo genyen yon papa salvadoryen ak yon ti pitit-fi 2 zan ki te mouri nan yon flèv. Gwoup ki sou Facebook la rele tèt li "I'm 10-5", ki se yon ekspresyon kode Sèvis Patrouy Fwontyè a itilize pou l deziye "imigran yo arete".

Depite Alexandra Ocasio-Cortez (D-N.Y.).
Depite Alexandra Ocasio-Cortez (D-N.Y.).

Youn nan palmantè gwoup la renmen denigre se reprezantan Eta New York nan Chanm Bas la, Alexandra Ocasio-Cortez. Yo pibliye yon foto ki montre depite a nan yon sitiyasyon kote l ap fè lanmou ak Prezidan Donald Trump (pou n kite sa konsa). Nan yon nòt Madam Ocasio-Cortez pibliye, li poze kesyon pou l mande:

"Nan yon ka konsa, kijan moun ka fè Sèvis Patwouy Fwontyè a konfyans pou l trete refijye yo tankou moun?" .

XS
SM
MD
LG