Accessibility links

Breaking News

3 Migran Mouri nan Pas Darien an


Foto Achiv: Migran kap travese rivye Acandi a nan Kolonbi anvan yo rive sou Pas Darien an ki konekte Kolonbi ak Panama, sou wout pou y'al Ozetazini, 15 Sept. 2021.

Gen 3 migran ki mouri pandan yo tap travèse Panama pou yo antre Kolonbi.

Pami viktim yo gen yon tinedjè Venezyelyèn ki gen 16 zan, ak 2 gason, youn ki se moun Kolonbi epi lot la se moun Venezyela.

Sèvis Imigrasyon Nasyonal Panama a deklare Madi ke sanble kouran rivyè Rio Armila a ki te fo anpil te pote moun sa yo ale. Rivye a sitye ak yon distans kèk kilomèt sèlman ak fwontyè Kolonbi.

Aksidan an rive nan yon zon kote trafikan yo konn kite migran yo repoze anvan yo kontinye chimen pou rive Ozetazini an.

Plizyè santèn mitran mouri nan Pas Darien an, kote volè, rivyè, gwo morn epi bèt sovaj ap sikile.

XS
SM
MD
LG