Nan Libi, otorite Nasyonzini ak ofisyèl Libyen fè konnen yo rive jwenn yon antant pou pèmèt sekouris jwenn lese-pase pou yo ale nan vil Misrata, kote gwo goumen ap dewoule depi kèk jou ; men yo pa gen garanti ke twoup k ap defann rejim Prezidan Mohammar Kadhafi yo pral sispann bonbade posiyon rebèl yo okipe nan zòn-nan.
Stephanie Bunker –yon pòtpawòl l’ONU, ki t ap abòde dosye a lendi 18 avril 2011 la-- fè konnen misye Kadhafi dakò pou l kite yon ekip evalyasyon entènasyonal ale nan Misrata, nan kad yon antant ki pèmèt asistans umanitè antre nan kapital la, Tripoli, ak kèk lòt vil nan Libi.