Accessibility links

Breaking News

La Risi Bonbade Zòn Kote li te Pwomèt pou Diminye Twoup li


Yon solda poze pou yon potre pandan lap veye devan yon sant acha ki detwi nan vil Kyev kapital Ikren, 21 Mas, 2022.

Otorite Ikrenyen yo di fòs Ris yo bonbade zon ozlanatou kapital Ikrèn nan ak yon lòt vil nan nwit la.

Atak yo vini kèk he'd tan apre Moskou te pwomet pou'l diminye operasyon milite li nan zòn sa yo.

Atak sa yo lage dlo frèt sou optimism ki te genyen pou pwogrè nan chita tande ki vize mete yon fen nan lagè a.

La Risi pa esplike kisa egzakteman li gen entansyon fè diferaman. Sepandan pwomès li te fè a te ogmante espwa dèske te gen yon chimen pou debouche sou lapè.

Prezidan Ikrenyen an ak lòt responsab lanse avetisman pou di komantè La Risi fe yo se ka pale met la. Otorite Ikrenyen yo di bonbadman Ris yo frape "enfrastrikti sivil" vil Chernihiv nan nò a ak vil ki andeyò Kyèv.

Pandansetan, Moskou pa antouziyas ditou sou plan Kyev prezante ba li Mèkredi ki tabli kad pou yon akò lapè.

XS
SM
MD
LG