Madrid —
Avoka gouvènman Espay yo di yo pral mande tribinal la kondane vedèt pòp Kolonbyèn Shakira pou'l pase 8 an ak 2 mwa nan prizon, si yo jwenn ni koupab de fwod nan enpo.
La jistis akize Shakira - vre non li se Isabel Mebarak Ripoll - dèske li pat peye 14,5 milyon ewo ($15 milyon) enpo ant ane 2012 ak 2014.
Avoka akizasyon yo di yo pral mande tou pou'l peye yon amann 24 milyon ewo ($24 milyon).
Shakira rejte semèn sa a of avoka akizasyon yo te fè'l pou rezoud ka a olye li ale nan tribinal.
Piblisis li akize Vandredi Ajans Enpo Espay la dèske li vyole dwa chantez la e yo di Shakira "toujou kowopere e respekte lwa peyi a."
