Accessibility links

Breaking News

Kiyes ki Ranpote Meday Olenpik 6 Fevriye?


Ris Alexander Bolshunov pran yon selfie ak 2 atlet ki pran meday ajan ak bwonz yo apre li ranpote meday lo a nan konpetisyon ski de fon an, 6 Fevriye, 2022.

Ski de Fon

Skiyè Ris Alexander Bolshunov mete distans ant limenm ak rès gwoup la bonè pou'l ranpote meday lo a nan skiathlon 30 kilomèt la.

Bolshunov, ki te gen plis pwen pase lot konpetitè yo apre Koup Mondyal la te fini an 1 hè 16 segond. Se Bolshunov ak Fenlandè Iivo Niskanen ki te mennen kous pla pandan 4 premye etap la men apre sa, Ris Denis Spitsov te pase devan Niskanen.

Se konsa Spitsov te ranpote meday ajan an epi Niskanen fini 3em pou ranpote meday bwonz la.

Ski Akwobatik

Jakara Anthony, moun peyi Ostrali ranpote kous medam yo. Anthony emeveye tout moun ak yon bel so ki pemet li ranpote 83.09 pwen. Amerikèn Jaelin Kauf fini dezyem, epi Ris Anastasiia Smirnoa ranpote meday bwonz la.

Luj

Johannes Ludwig, moun peyi Almay se chanpyon Olenpik luj maskilen an epi Chanpyon Mondyal la tou sezon sa a.

Sa fè 11em fwa nan 16 Jezolenpik ke yon Alman ranpote konpetisyon luj la. Wolfgang Kindl, moun peyi Otrich ranpote meday ajan an epi Domnik Fishnaller, yon Italyen ranpote meday bwonz la.


So a Ski

Japonè Ryoyu Kobayashi ranpote meday lo a apre li vole 99.5 mèt epi ranpote 129.6 pwen. Gras li pandan li tap sote ranpote akolad bo kote jij yo.

Otrichyen Manuel Fettner ranpote meday ajan an epi Dawid Kubacki, moun Poloy ranpote meday bwonz la.

Snowboard

Zoi Sadowski Synnot, moun Nouvèl Zelandd ranpote premye meday lo peyi li nan Jezolenpik Ivè yo.

Synott devanse Amerikèn Julia Marino pou pran premye plas. Marino limenm ranpote meday ajan an epi tess Coady, moun Ostrali pran meday bwonz la.

Patinaj Vitès

Swedwa Nils van der Poel bay La Suèd premye meday Olenpik li depi ane 1988, apre li pran meday lo a nan kous 5,000 mèt la.

Van der Poel te favori a - paske li se chanpyon mondyal nan spo sa a.

Meday ajan an sete pou Patrick Roest, moun Peyi Ba epi Novejyen Hallgeir Engebraaten pran meday bwonz la.

Ekip Ayiti pat gen okenn konpetisyon jodi a.

XS
SM
MD
LG