Accessibility links

Breaking News

96k Ayisyen Kouri Kite Kay yo Akoz Zak Vyolans Gang yo


Moun pote yon sekey pandan yon fineray nan Potoprens, Ayiti, 21 Oktob, 2022.

Oganizasyon Entènasyonal Migrasyon Nasyonzini an di zak vyolans gang yo an Ayiti fòse plis pase 96,000 moun kouri kite kay yo nan Pòtoprens. Pandanstan peyi a ap fè fas ak yon kriz ki tèlman grav, gouvènman an mande twoup etranje vin ede'l.

OIM deklare Vandredi zak vyolans gang yo debouche sou "rakèt, kidnapping ak lòt zak kriminèl" nan yon moman Ayiti ap fè fas ak inegalite, lamizè ak ensekirite.

Gang yo kontwole apepre 60% Potoprens. Yo vyole fanm, timoun ak gason epi mete dife nan kay pandan yap eseye kontwole plis teritwa apre asasina Prezidan Jovenel Moise nan mwad Jiyè 2021.

Ayisyen ap redi tou pou siviv nan mitan yon rate gaz, dlo potab ak lòt pwodwi premye nesesite. Pandansetan epidemi kolera a kontinye ap fè ravaj.

Gen omwens 40 moun ki mouri ak kolera, e otorite yo rapòte plis pase 1,700 ka sispèk, malgre yo kwè vre bilan an pi wo paswe sa.

Gen yon lòt 17,000 moun ki pa gen kay pou yo rete depi tranbleman tè ki te frape sidwès Ayiti nan mwad Out 2021, dapre OIM.

XS
SM
MD
LG