Accessibility links

Breaking News

Ikrèn, Alye yo Kondane Atak sou Stasyon Tren an, Blame La Risi


Sekouris netwaye debri yon bilding ki detwi nan yon atak ayeryen La Risi lanse nan vil Borodyanka, tou pre Kyev, Ikren, Samdi 9 Avril 2022.

Ikrèn ak alye li yo kondane yon atak ak misil ki te vize yon stasyon tren chaje ak moun Vandredi. Yo blame La Risi pou karnaj la.

Responsab stasyon tren Ikrenyen yo di gen omwens 52 moun ki mouri, pami yo 5 timoun, e omwens 87 moun blese nan stasyon an ki sitye nan vil Kramatorsk nan ès peyi a. Yo tap sèvi ak stasyon sa a pou evakye sivil kap kouri kite zòn batay yo.

Prezidan Ikrenyen an Volodymyr Zelenskyy deklare La Risi fè ekspre sible sivil yo.

"San okenn fòs ni kouraj pou fè fas ak nou sou chan'd batay la (twoup Ris yo) ap detwi sinikman popilasyon sivil la," Zelenskyy deklare sou rezo sosyal yo.

Nan diskou li fè sou videyo Vandredi, Zelenskyy deklare "Nou atann nou aske gen yon repons fèm global fas ak krim lagè sa a."

Li di Ikren pral fè jefò pou "etabli chak minis kiyès ki te fè kisa, kiyès ki pase lòd, ki kote misil la soti, kiyès ki transpòte'l, kiyès ki bay komann nan ak kijan yo te vinn dakò pou lanse atak sa a."

Ministè Defans Britanik la di pandan rankont ransèyman li a Samdi ke La Risi kontinye "atake non-konbatan Ikrenyen, tankou sa yo ki mouri ye (Vandrdi) nan atak ak misil" kont stasyon tren an.

XS
SM
MD
LG