Vis Prezidan Etazini Kamala Harris ankouraje Tanzani pou l fè pwogrè pou gen yon gouvènman ki pi enklizif nan moman lap kontinye vizit li an Afrik kote lap eseye ranfòse demokrasi.
Harris site desizyon Tanzani pran sa pa gen lontan pou leve yon entèdiksyon kont miting politik opozisyon an epi ankouraje plis libète laprès. Li di mezi sa yo "enpotan e gen anpil siyifikasyon" e se yon pa an avan pou atèn plis refom demokratik.
Sami Suluhu Hassan, premye prezidan fanm peyi Tanzani, - defèt kèk pami politik pi opresif peyi a, malgre li te monte sou pouvwa a antanke manm pati dirijan an.
Hassan fè remake Tanzani te patisipe nan rankont o some vituèl sou Demokrasi La Mezonblanch Patwone a semen sa a. Li di sa "voye yon mesaj klè ke patwon demokrasi yo rekonèt jefo nap fe pou bati yon nasyon ki demokratik.
