Vis-prezidan an ka gen nan pwogram li pou vizite, jodi lendi a, Vibrate Space, yon estidyo anrejistreman kominotè pou jèn atis nan kapital la Accra. Aktè Idris Elba ak Sheryl Lee Ralph pwal akonpaye Harris nan vizit li nan enstalasyon an kote yo pwal rankontre ak mizisyen ak atis. Vibrate tabli nan Freedom Skatepark, premye pak pou patinaj ki ap fonksyone kòmsadwa nan peyi a.
Apre sa menm jounen lendi a, Prezidan Akufo-Addo ak premyè dam Rebecca Akufo Addo pwal òganize yon bankè pou Harris ak mari li Doug Emhoff. Nan bankè a, pwal gen apeprè 300 envite, pami yo kèk manm Diaspora afriken an nan Etazini.
Demen madi a, Vis-Prezidan Harris pwal pale nan Chato Cape Coast, yon lye kote yo te anbake Afriken ke yo te mete nan esklavaj pou ekspedye yo nan Amerik yo, yon moman ki pa agreyab nan istwa 2 peyi yo.
