Accessibility links

Breaking News

Michigan - Fiziyad Nan yon Lekòl Segondè. Omwen 3 Moun Mouri


Lapolis nan paking yon episri kote otorite yo te mete elèv Lise Oxford la, nan Eta Michigan, annatandan paran yo te vin chache yo madi 30 novanm 2021. (Foto: AP/Paul Sancya).

Responsab yo sispèk ke atakan an se yon etidyan 15 zan ki gen 2 zan depi l ap frekante lise. 3 elèv pèdi lavi yo nan atak sa a, tandiske 6 lòt moun blese -pami yo gen pwofesè ak elèv.

Daprè otorite yo nan vil Oxford, nan Eta Michigan, yon fiziyad dewoule nan yon lekòl segondè nan jounen madi 30 novanm 2021 an. Responsab yo sispèk ke atakan an se yon etidyan 15 zan ki gen 2 zan depi l ap frekante lise. 3 elèv pèdi lavi yo nan atak sa a, tandiske 6 lòt moun blese -pami yo gen pwofesè ak elèv.

Nan yon konferans pou laprès cherif adjwen Oakland lan, Mike McCabe, bay, li di li pa konnen egzatteman poukisa sispèk la atake lekòl segondè a ki sitiye li nan Komin Oxford, yon kominote kote anviwon 22 mil moun ap viv e ki sitiye sou yon distans 48 kilomèt o nò Detwa.

Misye McCabe deklare: " A midi:55, nou te deja resevwa yon kantite apèl nan nimewo dijans 911 la, apèl ki te rapòte ke yon moun t ap tire nan lekòl la. Ajan polis yo te ale sou sèn nan pou yo arete sispèk la nan lekòl la, epi yo jwenn yon zam semi-otomatik ak plizyè chajè."

Sispèk la pa t blese lè yo te mete l nan prizon e li refize di kijan li te fè antre avèk zam nan lekòl la.

Otorite yo pa pibliye non sispèk la ni non viktim yo imedyatman.

Responsab yo fèmen lekòl la apre atak la. Kèk elèv te pran refij nan sal klas yo pandan polisye t ap fouye lokal la.

XS
SM
MD
LG