Tou pre frontyè Polòy ak Ikrèn —
Apre yon vizit sekrè nan kapital Ikrèn nan, Sekretè d'Eta Ameriken an Antony Blinken deklare la Risi echwe nan lagè li a e "Ikrèn ap genyen."
Vwayaj Blinken ak Sekretè Defans Lloyd Austin fè nan Ikrèn se vizit pi wo plase Ameriken ki fèt nan Kyèv depi La Risi anvayi peyi a nan fen mwad Fevriye a.
Blinken ak Austin di Prezidan Ikrenyen Volodymyr Zelenskyy ak konseye li yo ke Etazini pral voye plis pase $300 milyon dola asistans militè etranje bay peyi a e ke li apwouve $165 milyon dola minisyon.
Prezidan Joe Biden anonse tou, nominasyon yon diplomat veteran ki rele Bridger Brink, kom anbasadè Ameriken nan Ikrèn.
