Accessibility links

Breaking News

Etazini Pral Pwoteje Migran Kamewounè yo Pwovizwaman Kont Depòtasyon


Foto Achiv: Senbol Depatman Sekirite Nasyonal Etazini an pandan yon konferans pou lapres nan Washington, 25 Fevriye, 2015.

Depatman Sekirite Nasyonal Etazini an deklare migran ki soti nan Kamewoun ap resevwa pwoteksyon pwovizwa kont depòtasyon.

Ajans la anonse Vandredi ke vyolans ekstrèm kap dewoule ant twoup gouvènman an ak separatis ame yo nan peyi Afriken sa a lakoz migran yo paka tounen lakay yo an sekirite.

Kamewoun tounen 14èm peyi ki elijib pou TPS - Stati Pwoteje Pwovizwa a.

Pwogram sila a te kreye an 1990 pou ede moun ki soti nan peyi kote ki gen pwoblèm akoz dezas natirèl. Pwoteksyon kont depòtasyon an dire yon afè 18 mwa, e anpil moun plenyen pou di li pa pwovizwa vre. TPS pèmèt moun ki genyen'l pou yo jwenn pèmi pou travay Ozetazini.

XS
SM
MD
LG