Accessibility links

Breaking News

Etazini Pare pou l Mete Ikrèn sou Ajanda Gwoup G-20 an


Sekrete de Pres Lamezonblanch la Jen Psaki pale pandan yon rankont ak la pres nan Lamezonblanch, Washington, Madi 15 Mas 2022.
Sekrete de Pres Lamezonblanch la Jen Psaki pale pandan yon rankont ak la pres nan Lamezonblanch, Washington, Madi 15 Mas 2022.

Administrasyon Biden nan sanble li pare pou l mete sou ajanda pwochen Somè G-20 an konsekans ekonomik entènasyonal envazyon Larisi a nan Ikrèn e petèt rekonstriksyon Ikren –yon lide ki ka pwovoke plis divizyon nan fowòm ekonomik la.

Sekretè laprès Mezon Blanch la, Jen Psaki, di Lavwadlamerik nan yon konferans pou laprès:

“Se pa nouvo pou yon evennman ki gen efè sou ekonomi mondyal la -tankou sitiyasyon an nan Ikrèn ak envazyon ris la nan peyi a- jwe yon wòl nan fowòm entènasyonal yo. Epi kominote entènasyonal la pral gen pou l patisipe nan relans ekonomik ak rekonstriksyon Ikrèn. “

Nan mwa mas pase a, Prezidan Joe Biden te fè konnen li vle yo wete Larisi nan Gwoup G-20 an (20 pi gwo ekonomi nan lemond yo) epi envite Ikrèn kòm obsèvatè nan somè gwoup la ki pral dewoule nan Bali, nan Endonezi.

Jen Psaki di: “Envitasyon Ikrèn nan gwoup la pa vle di n ap fikse atansyon nou sèlman sou lagè k ap dewoule nan peyi sa a. Men, nou gen pou n rebati Ikren.”

Li raple Ikrèn aplike pou l vin manm Inyon Ewòp la ki, li menm, deja fè pati G-20 an.

XS
SM
MD
LG