Elton John temwaye pou avoka kap defann aktè Kevin Spacey, ke lajistis nan vil Lond an Angletè akize de abi seksyèl.
Avoka aktè vedèt la te chache diskredite yon nèg ki di Spacey te mete men sou li nan yon machin nan wout pou al kay chantè a.
John te temwaye pa videyo konferans depi Monaco, Lendi.
Youn pami swadizan viktim yo akize Spacey dèske li te atake li an 2004 ou 2005.
Chantè Elton John temwaye ke Spacey te asiste sèlman gala anyèl ke li konn oganize lakay li nan Windsor yon fwa nan ane 2001.
Mari Elton John nan, David Furnish, di menm bagay la nan temwayaj pa li.
Spacey plede non koupab ak yon douzèn akizasyon - pami yo abi seksyèl ak endesans.
