Accessibility links

Milyadè e Kandida Alaprezidans Donald Trump (Repibliken) Genyen Primè Eta Indiana a


Viktwa sa a mete misye Trump pi pre envestiti pati Repibliken an pandan 2 dènye rival e konkiran li nan kouss la, senatè Eta Tegzas, Ted Cruz, ak Gouvènè Eta Ohio a, John Kasich, wetire kò yo nan konpetisyon an

Milyadè ameriken nan domèn imobilye, Donald Trump, tounen depi madi 3 me a "pwobab" kandida ki pral reprezante Pati Repibliken an nan eleksyon jeneral novanm ane sa a, Ozetazini, apre viktwa li ranpòte nan Eta Indiana a; sepandan, premye endikasyon yo montre li pral fè fas ak anpil defi lè li va genyen pou l tope kòn ak kandidat ki sanble l gen plis chans ranpòte envestiti Pati Demokrat la, ansyèn sekretè D'Eta Hillary Clinton.

Anpil sondaj nasyonal medya yo reyalize, montre madan Clinton, kap chèche make listwa pou l tounen premye dam ki janm eli prezidan Lèzetazini, bat misye Trump ki fini premye pami 17 kandida ki te nan konpetisyon pou envestiti pati Repibliken an. Misye Trump ranpòte viktwa sa a gras ak stil pale "dirèk li" kont imigrasyon ilegal--espesyalman kont imigrasyon ilegal meksiken--e l pwononse l tou anfavè entèdiksyon pou mizilman antre nan peyi a.

Ansanm, tout sondaj yo bay madam Clinton--ki te prensipal diplomat Lèzetazini an 2009/2013--yon avantay 6 pwen sou Donald Trump (yon pèsonalite pwogram televizyon tele-Reyalite) ki poko janm okipe okenn fonksyon piblik nan vi li.
Yon sondaj chèn televizyon CNN/ORC reyalize mèkredi 4 me 2016 la montre Madan Clinton genyen yon gwo avans sou rival repibliken li a, swa yon marj 54 kont 41.

XS
SM
MD
LG