Prezidan Joe Biden ap selebre fèt nwèl la kalm nan Lamezonblanch kote yo reyini ak fanmi yo. Prezidan an ak madanm ni rele plizyè manm sèvis militè Etazini ki estasyone toupatou nan mond lan pou remèsye yo.
Nan yon mesaj li pibliye sou kont Twitter ofisyèl li, preizdan an di militè yo "lwen fanmi yo paske yap pwoteje nou. E yo gen remèsiman ak gratitid prezidan yo."
Lamezonblanch fè konnen Biden ak premyè dam Jil Biden te telefone twoup ki estasyone nan San Diego ak Alameda, Kalifoni, nan Panama siti Panama, nan Okinawa, Japon, an Ewop epi abò yon bato lagè nan Lanmè Arab la.
