Accessibility links

Breaking News

Biden ap Vizite Fwontyè Etazini-Meksik la pou Fè Konsta Sityasyon an


Prezidan Joe Biden salye Gouvene eta Texas Greg Abbott apre li remet ba li yon let sou sityasyon fwontye El Paso a, nan Ayewopo Entenasyonal El Paso, Texas, Dimanch 8 Janvye 2023.

Prezidan Joe Biden vwayaje sou fwontyè Etazini-Meksik la Dimanch apremidi pou fè konsta sitaysayon sekirite a.

Vizit Biden nan vil El Paso, Texas, se premye vizit li sou fwontyè a kòm prezidan.

AN DIREK: Suiv vizit Prezidan Biden sou Frontye a nan El Paso, Texas (ou kapab suiv li sou paj Facebook VOA Kreyol tou)

Repibliken yo kritike Biden paske yo kwè politik fwontyè li pa ase sevè e sa lakoz yon dig dal migran ap eseye travèse antre Ozetazini.

Gouvènè Repibliken eta Texas la, Greg Abbott te sou plas pou akeyi Biden lè li rive. Abbott remèt ba li yon lèt ki bay detay sou 5 lwa gouvènè a di ta fè yon gwo diferans nan jefo pou kontre "dezod" ki egziste sou fwontyè a.

Foto Achiv: Gad milite Etazini sou fwontye Etazini pataje ak Meksik depi vil Ciudad Juarez, Meksik, Madi 20 Desanm, 2023.
Foto Achiv: Gad milite Etazini sou fwontye Etazini pataje ak Meksik depi vil Ciudad Juarez, Meksik, Madi 20 Desanm, 2023.

El Paso se youn nan pi gwo koridò kote migran yo ap travèse antre ilegalman. Pi fò nan yo se Nikaragweyen kap kouri kite peyi yo. Yo pami migran ki soti nan 4 peyi ke Etazini deside ekspilse rapidman dapre nouvo règleman ki fèk antre an aplikasyon.

Biden pral rankontre ak responsab fwontalye yo epi diskite sou sityasyon migrasyon an ak ogmantasyon nan trafik fentanyl ak lòt opyoid.

XS
SM
MD
LG