Accessibility links

Breaking News

Biden Ap Fè Diskou Nasyonal Apre Dènye Solda Ameriken an Kite Kaboul


Prezidan Joe Biden pwononse yon diskou sou fen lage a nan Afghanistan nan Sal a Manje Ofisyel Mezon Blanch la, 31 Out, 2021.

Prezidan Joe Biden pare pou'l pwononse yon diskou nasyonal Madi apremidi, apre retre twoup Ameriken yo nan peyi Afghanistan, pou mete fen nan 20 an lagè kote Taleban an reprann pouvwa a.

Biden fè yon deklarasyon bref Lendi pou di li pral pale presizeman sou desizyon li pran pou'l pa pwolonje prezans twoup Ameriken yo nan Kaboul apre dat limit 31 Out li fikse a.

Pandan plizyè semenn, Prezidan Biden ak manm administrasyon li an te diskite sou posibilite pou yo ta rete pi lontan nan peyi a. Yo te reflechi sou defi ki poze yo epi benefis yon kokenn chenn operasyon pou evakye sitwayen Ameriken ak sivil Afghan soti nan peyi a nan moman y'ap fe fas ak menas ki kredib.

Desizyon Biden pou'l respekte dat limit la te soulve anpil kritik bo kote opozan politik li yo epi kek alye tou. Depa a vini kek jou selman anvan Etazuni komemore 20e anivese atak teworis 11 Septanm 2001 yo ki te lakoz Etazuni te voye twoup nan peyi Afghanistan pou chache e puni teworis al-Qaida yo ki te planifye atak sa yo epi militan Taleban ki te ba yo azil.

Chèf komandman santral etazuni anonse fen misyon Afghanistan an pandan yon konferans pou laprès nan Pantagonn nan Lendi, kote li di jounalis yo dènye avyon Ameriken an te pati kite Kaboul, yo ti tan anvan minui lè lokal.

XS
SM
MD
LG