Accessibility links

Ann Afrik, Majorite Popilasyon an se Jèn Moun Tandiske Pifò Dirijan yo Depase Laj Retrèt

  • Ekip Sèvis Kreyòl VOA

Prezidan Zimbabwe, Robert Mugabe, pandan li te fèk rive nan Palman peyi a kote li ta pral adrese l ak pèp la nan yon diskou anyèl tradisyonal. (Foto AP: Madi 6 desanm 2016 la).

Tou le 10 nasyon ki gen popilasyon ki pi jèn yo ann Afrik, dapre chif Nasyon Zini, gen laj mwayen mwens ke 20 lane.

E poutan, dapre dènye kontaj ki fèt, 8 lidè afriken pou pi piti déjà pase 2 dizèn lane alatèt peyi yo, e yo gen laj 72 lane an mwayèn.

"Poukisa Afrik kole ak yon seri lidè ki ta dwe ap jwi retrèt yo nan lapè e san bri, olye yo rete nan koulwa pouvwa ki p ap padone yo anyen, nan mennen kanpay e nan fè politik ki fatigan menm pou lidè ki pi jèn yo? " Se kesyon sa a chèchè nan politik David Kiwuwa ap poze.

Kòm rezilta, dapre Kiwuwa, ki anseye etid entènasyonal nan Inivèsite Princeton nan eta New Jersey, plizyè milyon jèn Afriken konnen sèlman yon lidè nan lavi yo. Nan anpil ka, yon lidè ki te fèt anvan rezo sosyal ak entènèt te parèt, tankou Robert Mugabe ki gen 92 lane, anvan envansyon televizyon, razwa elektrik nan lane 1920 yo.

XS
SM
MD
LG