Palmantè yo nan yon seyans depozisyon nan Kongrè a gen anpil chans pou met presyon sou Wray pou jwenn plis detay sou motif ki te nan tèt nèg ame li te lanse atak 13 Jiyè a nan Butler, nan eta Pennsylvani.
Seyans Mèkredi a devan Komisyon Jistis Chanm Depite a pral mete Wray nan yon posizyon pou li bay tout detay posib sou tire a pandan ajan FBI yo kontinye ap mennen ankèt sou nonm ame a ki te gen 20 tan. Pa gen atanta nan Etazini sou yon prezidan oswa yon kandida prezidansyèl depi epòk prezidan Ronald Reagan an 1981.
