Vedèt Taylor Swift pibliye yon nouvo albòm ak kèk sipriz pou fanatik li yo.
Vandredi, vedèt pòp la pibliye 11èm albòm ni ki pote non: "The Tortured Poets Department".
Albòm nan se yon melanj travay li te fè anvan epi yon refleksyon atis la ki pase ane ki sot pase yo ap re-anrejistre chanson li yo ak materyo pou seri konsè li yo. Gen chante pòp dinamik, balad tris sou kè brize, epi chante pwovokatif e pi matur. Tout chante sa yo pibliye a minui.
Men a 2 zè di maten, (lè Washington ak Pòtoprens) Taylor te pibliye "The Tortured Poets Department: The Anthology" ki gen yon lòt 15 chante ladann.
