FIFA anonse ke Luis Rubiales, ansyen prezidan Federasyon Foutbòl Espay la entèdi patisipe nan okenn aktivite foutbòl pandan 3 zan.
Rubiales ap fè fas ak akizasyon abi seksyèl ann Espay.
Oganizasyon Mondyal Foutbòl la te sispann Rubiales pou 3 mwa apre misye te bo san konsantman l yon jwèz seleksyon nasyonal feminen Espay la ki rele Jenni Hermoso pandan seremoni distribisyon meday Mondyal Foutbòl la 20 Out pase a.
Rubiales deklare li pral ann apèl ak desizyon sa a. Li akize FIFA dèske li pa ba li chans pou l defann tèt li.
Misye pibliye yon deklarasyon sou rezo sosyal ki di "mwen pral fè tout sa m kapab pou asire mwen gen jistis e ke tout verite a soti."
