Ikrèn pwomèt pou l deplwaye bonm sa yo ke li resevwa nan men Etazini, sèlman pou repouse sòlda lènmi.
Plis pase 100 peyi entèdi bonm plon gaye sa yo ke lang angle a rele bonm cluster.
Yon lòt kote, gouvènman ris la pran kontwòl branch ke konpayi yawout franse Danone gen nan LaRisi, ansanm ak branch ris ke konpayi Carlsberg ki ap pwodui byè e ki baze nan peyi Dànmak, kòm vanjans apre peyi loksidan yo te bloke lakay yo byen konpayi ris yo.
Nan lòt nouvèl ankò, LaRisi bloke patisipasyon l nan yon akò ki la depi prèske yon lane, ki te fasilite ekspòtasyon sereyal etan nan 3 pò Ikrèn nan lanmè Nwa a.
Anvan akò a bout jodia, LaRisi te di li pat benefisye ase nan mouvman sa a. Youn nan prensipal ekzijans LaRisi se pou bank agrikilti-li repran plas nan sistèm peman Swift loksidan an pou tranzaksyon finansye.
