Vòt la pase 52 kont 46, kote gen yon endepandan ki te vote kont li, ak 2 demokrat ki te janbe bò pou al bay repibliken sipò yo nan vòt sila.
Chanm depite a ke repibliken yo kontwole te apwouve rezolisyon an semèn pase.
Biden te pwomèt pou l kenbe angajman li pou anile jiska $20,000 nan lajan federal ke 43 milyon etidyan dwe.
Tribinal Siprèm lan te tande depozisyon nan mwa fevriye a kote yo te defye aksyon administrasyon Biden nan, e tribinal la ki gen yon majorite konsèvatè sanble pare pou koule plan sila.
Yon desizyon sou kesyon an ka vini nan semèn kap vini yo.
Repibliken nan Kongrè a pa espere jwenn ase sipò pou kraze yon veto ke Biden ka pran.
