Gouvènè rejyon Belgorod, ki se Vyacheslav Gladkov, di sou Telegram ke dega fèt nan bilding ki gen biwo administrasyon ak bilding rezidansyèl, men ke pa gen moun ki blese.
Gladkov fè konnen fòs defans aeryen ris desann pifò dronn yo. Atak la fèt yon jou apre LaRisi te di li bloke atak atè ki te soti pa lòt bò fwontyè nan menm zòn nan.
LaRisi di se travay sabotè militè ikrenyen, pandan Ikrèn sèlman di ke se yon revòlt patizan ris kont Kremlen an.
Minis Defans ris Sergei Shoigu di ke LaRisi ap reyaji « rapid e ak fòs » kont lòt atak ki ta fèt sou teritwa ris.
Yon lòt kote, lame Ikrèn nan di jodi mèkredi a batay te konsantre nan Bakhmut ak Marinka, e ke gen anpil posiblite ke fòs ris atake Ikrèn ak misil e ak frap aeryen.
