Etazini ak Kore di Sid anonse antant la mèkredi, nan moman Prezidan Joe Biden ap resevwa tokay sid-koreyen li Prezidan Yoon Suk Yeol nan Mezon Blanch pou yon vizit deta kote 2 peyi yo ap selebre 70 lane depi yo byen e pou yo pale de avni relasyon ant 2 alye yo.
“Deklarasyon Washington” nan se rezilta yon seri etap nan negosyasyon ki t ap dewoule depi dè mwa nan efò pou reafime angajman Etazini pou dekouraje atak ki ta fèt sou Repiblik Kore a, se sa yon gwo zotobre nan administrasyon Biden nan di, madi, nan yon konferans pou laprès.
