Ministè a di LaRisi bezwen plis tan « pou li rasanble gwo mas misil ki fèk soti dirèkteman nan endistri a anvan li gen ase resous pou li debòde kapasite defans aeryen Ikrèn. »
LaRisi te lanse yon pakèt atak misil toupatou nan Ikrèn jedi, kote li touye pou pi piti 6 moun e kite dè milye san chofaj ak elektrisite.
Sete pi gwo atak konsa ki fèt sou Ikrèn depi 3 semèn, kote fòs Ikrèn yo di yo desann 34 sou 81 misil ke LaRisi tire, kidonk yon pousantaj pi piti lontan pase sa li konn bare, epi li di li desann 4 drone ke Iran fabrike.
Ministè Defans ris la di frap yo sete kòm revanj pou yon atak ki te fèt lòt jou la a sou rejyon Bryansk nan lwès LaRisi, e ki se, dapre Moskou, travay sabotè ki te soti Ikrèn.
Ikrèn demanti akizasyon an e li di ke Moskou ka sèvi ak sa pou jistifye desizyon li pou ogmante pwòp ofansiv li.
Pami zam ke LaRisi te tire yo te gen 6 misil hypersonik Kinzhal, pou repete pòtpawòl avyasyon militè Ikrèn Yuri Ihnat.
