Dirijan Ikrèn yo di fòs defans Ikrèn yo desann 16 sou 36 misil ris.
Dènye seri atak aeryen ris yo fèt nan moman Nòvèj fin apwouve yon èd 5 lane pou Ikrèn ki rive nan 7 milya dola.
Prezidan Ikrèn Volodymyr Zelenskyy di mouvman sa a fè Ikrèn ak Nòvèj pi solid, e ke LaRisi p ap ka simonte « inite ki fèt ant nou tout peyi sa yo ki renmen libète. »
Yon pwojè rezolisyon Asanble Jeneral Nasyon Zini ki pwal nan vòt nan yon sesyon espesyal semèn k ap vini an mande pou tout batay sispann nan Ikrèn e pou gen yon lapè ki asire « souverènte, endepandans, inite ak respè pou teritwa » Ikrèn.
Asanble Jeneral la espere apwouve rezolisyon an lè l reyini 23 Fevriye, jou anvan anivèsè envazyon LaRisi nan Ikrèn nan.