Accessibility links

Breaking News

Lula Vizite Kèk Bilding Nan Kapital la Apre Atak Kraze Brize Patizan Bolsonaro yo Te Fè


Brazil's President Luiz Inacio Lula da Silva inspects the damage at Planalto Palace after it was stormed by supporters of Brazil's former President Jair Bolsonaro in Brasilia, Brazil, Jan. 8, 2023.

Prezidan peyi Brezil la te vizite kèk bilding nan kapital la Brazilya, ke sipòtè advèsè li nan dènye kous pou prezidan an, Jair Bolsonaro, te atake dimanch.

Luiz Inacio da Silva te vizite kèk bilding ki te sibi anpil dega, dimanch swa, e li te dekrete yon entèvansyon federal pou sekirite nan distri federal vil la.

Li sèmante pou li trennen devan lajistis machann dezagreman yo e li pwomèt pou li pini lapolis ki pa te bare manifestan yo.

Dekrè a bay prezidan an pouvwa espesyal pou retabli lalwa ak lòd nan kapital la jiska 31 Janvye k ap vini.

Dè milye manifestan te anvayi pwopriete gouvènman. Video moutre yo k ap kraze fenèt, moute sou do kay, elatriye.

Otorite nan Brezil fè konnen yo gen entansyon bay manifestan yo pote responsablite pou zak sa yo e ke yo pwal enspekte bilding pou chache anprent epi gade imaj ke yo te anrejistre pandan destriksyon an.

Minis Jistis Flavio Dino di gouvènman an pwal chache konnen tou ki moun ki te peye pou plizyè santèn otobis ki te transpòte moun pou al fè dezòd nan Brazilya.

Patizan Bolsonaro ki te pèdi eleksyon an vle remete l nan pouvwa a e yo mande lame a pou li òganize yon kou deta.

Sa gen yon semèn depi Prezidan Lula da Silva te prete sèman.

XS
SM
MD
LG