Accessibility links

Breaking News

Afganistan: Nasyonzini Mande Taliban Yo pou Yo Mete Fen Nan 'Restriksyon' Kont Fanm Yo


Afghan women hold placards as they take part in a protest in front of the Iranian embassy in Kabul, Sept. 29, 2022.

Madi 27 desanm 2022 a , wo Komisyonè Nasyonzini pou Dwa Moun, Volker Türk, mande pou Taliban nan peyi Afganistan mete fen nan “restriksyon ki pa imajinab” y ap aplike kont medam yo nan peyi a. LONU lanse avètisman pou di sa ap gen 'konsekans terib' anpil pou pèp Afgan an.

Nan yon deklarasyon, Türk te avèti Taliban yo: "Okenn peyi pa ka devlope - oswa menm kontinye viv sosyalman ak ekonomikman si mwatye nan popilasyon li an eskli nan sosyete a."

"Restriksyon inimajinab sa yo sou fanm ak tifi yo pral ogmante soufrans tout pèp Afgan an".

Taliban yo, te pran pouvwa nan Kaboul nan mitan mwa Out 2021 e yo gen kontwòl peyi a malgre pi fò peyi nan kominote entènasyonal la pa rekonèt gouvènma an ki vini ak plizyè restriksyon tankou entèdi fanm ak tifi pouswiv etid inivèsite epi, apati de 24 desanm 2022 yo, medam yo paka travay nan okenn ONG kit li nasyonal oswa entènasyonal.

Dapre Wo Komisyonè a ."Dènye dekrè sa a Taliban yo fenk fè soti a pral gen gwo konsekans pou fanm yo nan peyi a ansanb ak pou tout pèp Afgan an"

XS
SM
MD
LG