Accessibility links

Breaking News

Putin Siyen Lwa ki Elaji Restriksyon Pou Anpeche Fè Pwomosyon Pou Masisi ak Madivinez nan Peyi a


Russia Putin

Prezidan Ris la Vladimir Putin siyen yon lwa ki mete restriksyon sou aktivite ki ap fè pwomosyon dwa LGBT nan peyi a.

Yon lwa ki te la an 2013 te entèdi sa otorite yo konsidere tankou "pwopagann relasyon seksyèl ki pa tradisyonèl" ak timoun ki pako gen 18 an.

Nouvo lwa sa a ke Putin siyen Lendi a elaji entèdiksyon pou okenn moun pa gaye enfòmasyon sa yo bay moun ki gen 18 an oswa mwens.

Nouvo lwa a entèdi mesaj sa yo fèt sou fòm piblisite, pase medya ak sou entènèt. Yo pa gen dwa nan liv, nan fim, ni pwodiksyon teyat.

Lwa sa yo elaji tou restriksyon ki te egziste deja lè yo entèdi moun distribye enfòmasyon sou chanjman sèks pou timoun ki gen mwenske 18 an yo epi li entèdi enfòmasyon ki konsidere kòm pwopagann pou fè pwomosyon pou pedofili.

XS
SM
MD
LG