Accessibility links

Breaking News

Biden Lanse Avètisman sou Menas Kont Demokrasi Ozetazini


U.S. President Biden speaks during a Democratic National Committee event at the Columbus Club in Washington

6 jou anvan eleksyon mitan manda yo nan Etazini, Prezidan Joe Biden lanse yon nouvo avètisman sou menas ki sou demokrasi peyi a, kote li fè konnen moun ki kont rezilta eleksyon yo ap mete Etazini sou “wout dezòd”.

“Gen kandida ki nan kous pou tout nivo nan Etazini… ki p ap vle aksepte rezilta kous yo a,” se pawòl Biden nan yon diskou 21 minit ki pase sou televizyon ayè mèkredi a ke li fè andan estasyon tren Union Station nan Washington. Li di elektè yo ta dwe mande si kandida yo ap aksepte rezilta pwòp kous pa yo, kit yo genyen, kit yo pèdi.

« Repons kesyon sa a enpòtan anpil e nan opinion pa m, se sa ki dwe fè nou deside vote pou yo. E repons kesyon sa a kenbe kle avni peyi ke nou renmen amò a e kenbe sa ki pwal rive demokrasi a ki fè anpil bagay posib pou nou. »

Nan diskou a, Biden kritike ansyen prezidan Donald Trump poutèt li kontinye ap fè fo deklarasyon kòmkwa yo te vòlè eleksyon 2020 an nan men li, e li di sa « chofe tèt

moun ki ap fè vyolans poltik ak kraponay sou elektè yo nan 2 lane ki pase yo. »

XS
SM
MD
LG